رضوان ورضوانة فى رمضان"متجدد بإذن الله "

رضوان ورضوانة فى رمضان



عبارة عن مجموعة مواقف تحدث بين الشخصيتين فى رمضان

فتعالوا نتعرف على هذه المواقف معا

><
><
><
><
><
><
><
><
><

مشهد رقم (1)


يدخل رضوان من باب الشقة لتقابله رضوانة

رضوانة : حمدالله على السلامة ايه التاخير ده كله كنت قاعد مع مين واتكلمتم وقولتوا أيه يلا قول بسرعة علشان اعرف

رضوان : براحة شويه هو انت بلعه راديو ايه ده يا باي منك

رضوانه : ماهو انا لازم اعرف التاخير ده كله ليه

رضوان : بجيب الطلبات اللى انتى كتباها وكانك فاكرة ان رمضان ده معمول للاكل مش معمول للعبادة



رضوانة : ماهو شهر كريم ولازم من الاكل برده يا رضوان ياحبيبى

رضوان : لا يا ستى مش معمول للاكل

ده الامام مالك ماكنش بيدرس فى الشهر ده ولايقدم فيه فتوى لانه كان بيقول ده شهر القران

والامام الشافعى كان بيختم فى رمضان المصحف 60مرة

وانت بتدورى على الاكل وانواع الياميش والذى منه


رضوانه: احنا ايش وصلنا للعلماء الافاضل دول احنا نتعلم منهم وربنا يقدرنا


رضوان :مش بالكلام يارضوانه ده لازم الفعل علشان ده شهر كريم ربنا وصانا به لان من الاشهر اللى ربنا بيستجيب فيها للدعاء ويغفر فيها الذنوب

رضوانه : كلامك جميل يا رضوان


رضوان : للشهر ده فضل كبير يارضوانه

إذا كانت أول ليلة من رمضان ‏ ‏صفدت ‏ ‏الشياطين‏ ومردة ‏الجن وغلقتأبواب النار فلم يفتح منها باب وفتحت أبواب الجنة فلم يغلق منها باب ونادى مناد يا ‏ ‏باغي ‏ ‏الخير أقبل ويا ‏باغي ‏الشر أقصر ولله عتقاء من الناروذلك في كل ليلة
الراوي: أبو هريرة المحدث: الألباني - المصدر: صحيح ابن ماجه - الصفحة أو الرقم: 1339
خلاصة حكم المحدث: صحيح

عرفتى قد ايه الشهر ده عظيم يا رضوانه علشان كده عايزين نستغل كل وقت متاح لينا فيه ونتقرب من ربنا سبحانه وتعالى علشان يغفر لنا ويتغمدنا برحمته الواسعة

مشهد رقم (2)


جلس رضوان ورضوانة يهيئان نفسهم لاستقبال الشهر الكريم

رضوان : النهاردة ان شاء الله هنصلى صلاة التراويح علشان كده قولى ايه اللى ناقص علشان متاخرش عن الصلاة فى الجامع

رضوانه: طيب ماهو انا كمان هصليها بس قوللى يا رضوان هو ينفع اصلى صلاة التراويح وانا ماسكة المصحف فى ايدى اقراء منه

رضوان :ايوه ينفع لان فى سؤال زى ده ناس سالوه وكان الرد ينفع واستنى انا كنت محتفظ باجابة السؤال ده معايا فى وسط كتبى

رضوانه: حاجة حلوة اللى فيك انك بتحتفظ بالحاجة وترجعلها لما تعوزها

رضوان : امال يابنتى كل حاجة بتنفع علشان الواحد يؤكد الكلام اللى بيسمعه من المشايخ بالاجابة القاطعة اللى هما قالوها

رضوانه: طب قوم جبها علشان نتاكد اكتر

رضوان : حاضر ياست الكل ثوانى واكون جمعتها علشان محتفظ بالاسئلة والاجوبة اللى زى كده فى دوسيه لوحده

رضوانه : طب بسرعة علشان متقلش انى انا اللى بعطلك

رضوان :بصى ياستى جاوب على الفتوى دى الدكتور عبدالله سمك وقال :- نعم يجوز عند الحنابلة والشافعية فقد اجاز الحنابلة القراءة من المصحف عند صلاة القيام ان لم يكن حافظا لما ورد عن السيدة عائشة رضى الله عنها فى مَوْلًى لَهَا اسْمُهُ ذَكْوَانُ كَانَ يَؤُمُّهَا مِنَ الْمُصْحَف
وَيُكْرَهُ فِي الْفَرْضِ عَلَى الإْطْلاَقِ،لأِنَّ الْعَادَةَ أَنَّهُ لاَ يُحْتَاجُ إِلَيْهِ فِيهِ وَيُكْرَهُ لِلْحَافِظِ حَتَّى فِي قِيَامِ رَمَضَانَ لأِنَّهُ يُشْغَل عَنِ الْخُشُوعِ وَعَنِ النَّظَرِ إِلَى مَوْضِعِ السُّجُودِ
وَذَهَبَ الشَّافِعِيَّةُ إِلَى أَنَّ الْمُصَلِّيَ لَوْ قَرَأَ فِي مُصْحَفٍ وَلَوْ قَلَّبَ أَوْرَاقَهُ أَحْيَانًا لَمْ تَبْطُل صَلاَتُهُ،لأِنَّ ذَلِكَ يَسِيرٌ أَوْ غَيْرُ مُتَوَالٍ لاَ يُشْعِرُ بِالإْعْرَاضِ.


رضوانه : يعنى الحنابلة والشافعية اكدوا فى فتواهم انه يجوز


رضوان : ايوه ياستى يجوز فى قيام رمضان لكن فى الصلاة العادية لا
خلاص ياستى فى اى اسئلة تانية علشان العشا خلاص فاضل عليه دقايق


رضوانه : لا انزل علشان تلحق الصلاة من اولها وانت وراجع جيب الطلبات وبعدين نبقى نتكلم براحتنا لان الشهر ده كله خير وعايزين نعرف ونتاكد من حاجات كتير


رضوان : ان شاء الله لما ارجع نبقى نكمل